еділбай қойы

Денесі ірі, құйрығы үлкен қазақы қойларының етті, етті-жүнді өсімтал тұқымының бірі. Ауа райы құрғақ және шөлейт жерге өсіруге бейім, көнбісті келеді. Түсі бозғылт, қызыл қоңыр, көбіне қара болады. Дене бітісі жақсы, сүйегі мықты, басы үлкен, тұрқы ұзык, кеудесі кең, жоталы, құйрығы үлкен. Сақа саулықтарының биіктігі (шоқтығынан) 75,1 см, тұрқы 77,4 см, кеуде орамы 97,3 см. Қошқарының тірідей салмағы 100—110 кг кейде 126 кг-ға жетеді. Еділбай қойы өсімтал, тез ет алады. Жаңа туған, қозыларының салмағы 5,3—6 кг, қазақтың тұқымды қойларының басқа түрлерімен салыстырғанда еділбай қойының жүнінің сапасы жақсы, түбіті көбірек, жүні қылшықты, қылшықтары жіңішке, жұмсақ, өлі қылшықтары аз. Сойғанда 6—7 айлық марқадан 24,5 кг таза ет түседі. Семіз ісектердің сойыстық салмағы 39—47 кг, құйрық майы 2,3—2,6 кг, еркегінен 3—3,2 кг, таңдаулыларынан 4,5—5 кг-ға дейін жүн алынады. Еділбай қойының әр 100 саулыққа шаққанда егізінің саны 10—35-тен келеді.